ఒక్క క్షణం

క్షణం..జీవిత వీక్షణం!

పూలవనాన ఒక మల్లె మొగ్గను

వాన చినుకు స్పర్శకు పులకింపజేస్తుంది ఓ క్షణం...

ఒడిలిపోయిన మరో పూవును

అదే చినుకు రాలిపోయేలా చేస్తుంది అదే క్షణం!

నూతన వధూవరుల కొత్త జీవితపు ఆశలను హారముగా కూర్చి మెడలో వేస్తుంది ఓ క్షణం..

కలిసి బ్రతకటాన్ని కలగా మార్చి జంటలను విడగొడుతుంది అదే క్షణం!

కొత్త పిచ్చోడిని పసి పరువాన ప్రేమ వ్యసనానికి బానిసగా చేస్తుంది ఓ క్షణం...

ద్వేషంతోనో, వికారంతోనో ప్రేమికుడిని ఉన్మాదిగా మారుస్తుంది అదే క్షణం!

ముష్కరులను మట్టికరిపిస్తూ,దేశ రక్షణలో మరణించిన సైనికుడిని వీరునిగా చేస్తుంది ఓ క్షణం..

జాతి విద్రోహ వ్యాఖ్యలతో అహంకరించే వాడికి కుక్క చావునిస్తుంది అదే క్షణం!

ఆనందం బాధగా, బాధ ఆనందం గా మారడానికి పట్టే సమయం క్షణమే..

క్షణభంగురమైనది మానవ జీవితం

ఎగుడు దిగుడులూ క్షణ పరిమితాలే!

~ అడుసుమల్లి రవి కుమార్