భావలహరి

మనం భూమ్మీద పడకముందే భగవంతుడు మనకోసం ఎత్తిన అవతారం నాన్న. నాన్న ప్రేమ ఊట బావిలోని నీటి చలమ. బిడ్డ బతుకును ఎప్పుడూ అది పొడారిపోకుండా కాపాడుతుంది. నాన్న ప్రేమలోని మాధుర్యానికి అమృతం చిన్నబోయి స్వర్గానికి పారిపోయిందిట. స్వీయ ప్రాణాలను సైతం బిడ్డలకోసం తృణప్రాయంగా సమర్పించేందుకు సదా సర్వసిద్ధంగా ఉండే పరమ త్యాగుల వరుసలో ముందుండేది నాన్నే. ఎన్ని తరాలైనా మారనీ..  ఎంత ప్రగతిపథాన అయినా సాగనీ, నాన్న నేర్పిన నడక నడత  నాన్న అడుగుజాడలకు ఎడంగా జరగి పోరాదని తెలుసుకొంటే చాలు బిడ్డ బతుకంతా భద్రం.. బంగారం! మబ్బులు కమ్మినప్పుడు సూర్యుడు, డబ్బులు లేనప్పుడు బంధువులు,  శక్తి తగ్గినప్పుడు ప్రపంచం చులకన చేయవచ్చేమోగాని..  ఎప్పుడూ ఒక్కలాగే ప్రేమించేది మాత్రం నాన్నే!  హిమాలయాలు దేశానికి ఉత్తరానే ఉన్నాయి.వాటిని మించిన ఉన్నత ప్రేమాలయాలు ప్రతీ ఇంటా నాన్నల రూపంలో ఉంటాయి.  నాన్నల అనురాగం  అరేబియా సముద్రం కన్నా వెడల్పైనది.  బంగాళాఖాతంకన్నా లోతైనది. హిందూ మహాసముద్రం వారి ప్రేమసింధువు ముందు పిల్లకాలువ! నాన్న, నిజం నుండి జ్ఞాపకం గా మారేలోపు  నాన్న ప్రేమ తెలుసుకో..నాన్న ఋణం తీర్చ...

సూర్యుడు చంద్రుడు..  నా బంట్రోతులు నా ఆనవాళ్ళు  నా పలకరింతల నకళ్ళు  పున్నమి రాత్రి కురిసే వెన్నెలంతా  నా పరవశమే అమావాస్య రోజు నక్షత్రాలు నా అక్షరాలే నానుంచి దాక్కోవాలంటే నువ్వు......   చీకటి వెలుగులు లేని చోటు వెతుక్కోవాలి  దొరుకుతుందా మరి ఆ చోటు నీకు? నిన్ను యజమానిగా చేస్తా ఓ రోజు సేవకుడిగా మార్చుతా మరో రోజు బండ్లు ఓడలు గా ఓడలు బండ్లు గా చేయడం నాకు మాత్రమే తెలిసిన విద్య నీదనుకున్నది తన్నుకుపోతాను, కాదనుకున్నది తెచ్చిపడేస్తాను, ఏవి చేరాల్సిన చోటికి వాటిని చేరుస్తూ ఉదయమంతా తెల్లచీర రాత్రయితే నల్లచీర కట్టుకుని ఎగుడు దిగుళ్ళ రహదారి మీద అలవోకగా పయనం సాగిస్తాను రేపటిమీద ఆశ వీడద్దంటున్నా నీకు అండగా నేనుంటా విజయమే పొందుతావో,వీరుడిగా మిగులుతావో ప్రేమనే పంచుతావో,గుర్తువై మిగులుతావో జాగ్రత్త...నేను కాలాన్ని!  ~ అడుసుమల్లి రవి కుమార్

గతి తప్పిన గాడిద కొడకా.. పురుష పుట్టుక పరమార్ధమెరుగరా?! మనం మన బ్రతుకు, ఛీ.. కాంక్రీటు అడవిలో బ్రతుకుతున్న యంత్రాలం మనం  సెకను ముల్లుతో సాగిపోయే భ్రమరాలం మనం  విద్యను మార్కులతో కొలిచే బుద్ధిలేని జీవులం మనం  నేర్చిన విద్యతో వికారాలు పోయే వికృతులం మనం ప్రేమకు కొలమానాలు వెతికే తూకపు రాళ్ళం మనం  స్వార్థమే సరియని నిస్వార్థంగా నమ్మీ ఏకాకిగా బ్రతికే అనేకులం మనం మానవత్వం అర్థాన్ని గూగుల్లో వెతికే మానవులం మనం  సంఘంలో బ్రతుకుతున్న ఒంటరులం మనం మనిషితనానికి దూరమౌతున్న అమానుషులం మనం  బూతు చిత్రాల టెక్నాలజీని ఆడదాని పై అత్యాచారంగా మార్చే మృగాళ్ళం మనం  విలువలు వలువలూడదీసే సంస్కృతిని సినిమాలుగా చూసే ప్రేక్షకులం మనం.. మనం...మనం...మనం..😢 వర్ధమాన భారతమా ! స్త్రీలపై  వేల అత్యాచారాలు, వందల హత్యలతో దినదినము వర్ధిల్లు... పురుష పుట్టుక పొందినందుకు సిగ్గుతో,అవమానంతో...అత్యాచార బాధిత మృతులకు శోకతప్త నయనాంజలి😓 ~ అడుసుమల్లి రవి కుమార్

ఆశయాల చిటారు కొమ్మన వెలిగే కాంతి పుష్పం స్వప్నం సత్యం చేయడానికి సాహసం కావాలి పరచుకున్న అనేకానేక మరణాల్ని నిలబెట్టి ఒక జీవితం చెయ్యడానికి సాహసం కావాలి సంశయ సముద్ర కల్లోలం లో నమ్మకాల నౌక భగ్నమైనప్పుడు కడ దాకా ఈదే రెక్కల సాహసం కావాలి ఒకటొకటే రాలిపడే నక్షత్రాల్ని చూసి ఒంటరి ఆకాశం చీకటైనప్పుడు ఒక ఉదయంగా వెలగడానికి సాహసం కావాలి అదృశ్య ఖడ్గప్రహారాల మధ్య అజేయంగా నిలవడమే జీవితమైనప్పుడు గాయాల్ని గౌరవించడానికి సాహసం కావాలి

పాదాలు ముందుకు కాదు వెనక్కు కదులుతున్నాయి బాల్యం ఒక జ్ఞాపకం....! కళ్లను దారి వెంట పరచిన క్షణాలు ఇంకా అలానే ఉన్నాయి ఎక్కడో ఒక శబ్దం.... అన్నీ అయిపోయినట్టే ఉంటుంది అప్పుడే మొదలైనట్టూ ఉంటుంది పదే పదే కలవరించినా ఎవ్వరూ రారు అదేపనిగా కళ్లు తడిచిపోతున్నా తుడిచే చేతులు లేవు అప్పుడు నాన్న ఒక కథానాయకుడు నడిచే నాటకం... కదిలే పద్యం నాడు నా వేలు పట్టుకుని నడిపించిన నాన్న నేడు వేరే వేషం వేసుకున్నాడు వెలుగుతున్న దీపం రెపరెపలు ఆకాశంలో మెరుపుల విరుపులు నాన్న ఒక ఉద్వేగం... నాన్న ఒక బాధ్యత కాలం చాలా క్రూరమైంది ఏ క్షణాన్నీ కుదురుగా ఉండనివ్వదు అనుభవాలనన్నింటినీ జ్ఞాపకాలను చేసి జీవితాన్ని ఒంటరితనంలోకి నెట్టేస్తుంది ఇంతకు ముందు నాన్నను ఇంట్లోనో, ఊళ్లోనో వెతుక్కునే వాన్ని ఇప్పుడు శ్మశానంలో వెతుకుతున్నా అక్కడక్కడా పడ్డ ఎముకల్లో వెతుక్కుంటున్నా చితిలో కాలిపోయింది నాన్న దేహం కాదు అక్కడ మిగిలిపోయింది నాన్న ఎముకలు కావు అవి అనుభవాలు.. అవి జ్ఞాపకాలు..... ఇప్పుడు నాన్నలేడు... నాన్నే ఒక జ్ఞాపకమై ప్రతి క్షణం అక్షరాలవుతున్నాడు అంతా అయిపోయినట్టే ఉంటుంది మళ్లీ అప్పుడే మొదలైనట్టూ ఉంటుంది.....!!!

జీవిత ప్రయాణం లో ఎన్నో ప్రయత్నాలు చేసి విజయం దక్కక మరో ప్రయత్నానికి సిద్ధమవుతున్న వాళ్ళందరికీ అంకితం....... అపుడపుడూ నా కళ్ళు నన్నే వింతగా చూస్తున్నాయ్.. అపుడపుడు నా మాటలు నన్నే ప్రశ్నిస్తూ ఉన్నాయ్.. అపుడపుడూ నా గుండె చప్పుడు నన్నే భయపెడుతోంది.. ఇపుడు నా చేతులు పిడికిలి విసరాలని నాకే నేర్పిస్తున్నాయ్. ఇపుడు నా కాళ్ళు నన్ను ముందుకురకమనే ప్రోత్సహిస్తున్నాయ్.. నిదానంగా అర్థమవుతోంది ..నాలో అంతర్యుద్ధం ప్రారంభమవుతోందనీ... కానీ మనసెపుడూ కర్తవ్యవిముఖుడైన కిరీటే.. జీవితపుకురుక్షేత్రం లో గీతోపదేశం కోసం ఎదురుచూపే.. క్రమంగా అవగతమవుతోంది.. ఏ గీతా మన తలరాతను మార్చలేదనీ మనుగడకోసం జరిగే పోరాటం లో మన ప్రయత్నమే మన విజయానికి నాంది అనీ.. అడుసుమల్లి రవి కుమార్

బ్రతుకాట..బ్రతుకట...బ్రతుకుట!! కనుచూపు మేర ఎడారే కనబడినా ఆశల చెలమలకై వెతికే పయనం... బ్రతుకాట ప్రతీ మలుపులోనూ ఇన్నాళ్ళూ ఇది నాకు తెలియదే అనుకుంటూ చేసే ప్రయాణమిది. బ్రతుకాట కోల్పోయినవేంటో గెలుచుకున్నవేమిటో అసలు పద్దు తేల్చేది నువ్వూ నేనూ కాదు. కాలం. బ్రతుకాట మోస్తున్న బరువెంతో నాకే తెలియదు...దింపుకున్న క్షణం వరకు. బ్రతుకాట మంచి అనిపించుకోడానికి ఎన్నో ఓర్చుకోవడం చివరికొచ్చేసరికి మంచి అనిపించుకున్నా, లేకపోయినా ఒరిగేదేమీ ఉండదని తెలుసుకోవడం. బ్రతుకాట మనిషిని మనిషి ప్రేమించాలి అన్న సూక్తి పాతబడింది. మనిషిని మనిషి భరించడమే ఇక. బ్రతుకాట వాక్యానికి చివర ఉండే చుక్కలాగ రోజు చిట్టచివర  మిగిలుంటుంది ఆశ.. చుక్క లేని వాక్యం అసంపూర్ణమట కదా.. బ్రతుకాట గమనం రేపటికి చేరుస్తున్నా జ్ఞాపకం నిన్నలలోకి విసిరేస్తుంది ఎన్నో  సంఘర్షణలకు తావిచ్చి నన్ను ఒంటిగా మిగులుస్తుంది. బ్రతుకాట ~ అడుసుమల్లి రవి కుమార్

ఆంగ్లేయులు అధికారంలో ఉండగా తెలుగును ఎప్పుడూ తక్కువగ చూడలేదు. బడులలో నేర్పారు. అణాలపై ముద్రించారు ఎక్కువ మంది, చాల ఎక్కువ ప్రాంతంలో మాట్లాడే భాషగా గుర్తించారు. CP బ్రౌన్ లాంటి వారు ఎన్నో తెలుగు కావ్యాలను మనకే పరిచయం చేశారు.  మనం మాత్రం ఆంగ్లం మీద అపరిమితమైన మోజు పెంచుకున్నాము. విచిత్రం, ఇప్పటికీ Rain Rain go away లాంటి పద్యాలు నేర్పుతున్నాం ఎంత అసహజమైన విద్య, ఎంత అర్థ రహిత, నీతి లేని చప్పని చదువులు గురించి, వ్యవసాయాధారిత సంస్కృతికి ఎంత వ్యతిరేకంగా ఉన్నదో చెప్పాల్సిన పని లేదు.  కోట్ల మంది పిల్లలు దేశంలో "వానా వానా వెళ్లి పో" అని అనడం వింతగా  లేదూ 😢😢 *ఒక సంగీతము వోలె విన్పించు భాష* అని విశ్వనాధ వారు ఊరకనే అనలేదు కదా.. మాతృభాషలో చదువుకుంటున్నపుడు, మెదడులోని, నియోకోర్టేక్స్ విశేషంగా  స్పందిస్తుంది. ఫలితంగా చిన్నారుల్లో సూక్ష్మబుద్ధి, కొత్త ఆలోచనలను వ్యక్తీకరించగల సామర్ధ్యం చాలా వేగంగా వృద్ధి చెందుతాయి : Dr. Asok Pangaria, former president,  Indian academy of neurology. మాతృ భాషని మరిచిపోయిన సమాజం సృజనాత్మతకు సుదూరంగా ఉండి  పోతుంది, వారు సిస్సందేహంగా వారి సమాజం...

నాని

ప్రభుత్వ పాఠశాలలో తెలుగు మీడియం ఎత్తివేసి, ఇంగ్లీష్ మీడియం ప్రవేశ పెట్టాలి అనే ఆలోచన పై నా అభిప్రాయం దయచేసి చదవండి మీ అభిప్రాయాలను కూడా షేర్ చేయండి..... తెలుగు పిల్లలకు ఇంగ్లీషు మాధ్యమం లో చదువులు అమలు జరుగుతూ ఉన్న తీరుపై సమగ్ర సమీక్ష లేకుండానే కేజీ నుండే ప్రభుత్వ బడులలోనూ దాన్ని అమలు చేయాలనే ఆలోచన అభ్యంతరకరమైనది. ప్రజలు కోరుకుంటున్నారు కనుక ఇంగ్లీషు మాధ్యమంలో చదువులు అమలు చేస్తున్నాం అనటం రాజకీయ నాయకత్వపు అవకాశవాదమే అవుతుంది. ప్రజలు కోరుకుంటున్నారని మాదకద్రవ్యాలను, బూతు చిత్రాలను అనుమతించకూడదు కదా! ఎన్నికల కమిషన్ దాని యంత్రాంగము నోట్లతో ఓట్లను కొనుగోలు చేయటాన్ని పట్టించుకోలేదు కనుక , ఎన్నికలలో ఒక సామాజిక ఆత్మవంచనగా చట్టవిరుద్ధ నోట్ల పంపిణీ అత్యంత సహజమైన విషయంగా మారిపోయినంతమాత్రాన, ప్రజలు కోరుకుంటున్నారు కనుక మేము కోట్లకు కోట్లు డబ్బులు పంచాము. పంచుతాము.అందులో తప్పేమీ లేదని బోకరించినట్లే ఉంటుంది. ఏ రంగంలోనైనా నిజమైన ప్రజానుకూల మార్పు తీసుకురావాలంటే గత విధానాల మంచి చెడులను నిజాయితీగా లోతుగా సమీక్షించుకోవటం మంచిదే. అవసరం కూడా. ఈ తరహా సమీక్షలు రాజకీయ ప్రత్యర్థులను బలహీనపరచడానికి , కక్ష సా...

పరిస్థితులు ఎలా ఉన్నా  ప్రపంచం మొత్తం నిన్ను ఏడిపిస్తున్నా నువ్వు చెయ్యాల్సిన పని చేసెయ్ వదలకు,వెళ్ళకు,కృంగకు,తుళ్ళకు,  కన్నీరు అస్సలే కార్చకు   మనుషులు వస్తారు,పోతారు   నువ్వు మాత్రమే నిజం ఇక్కడ  నీతోఉండేది నువ్వే.. లే లేచిపోరాడు,  పరిగెత్తు,ఆపకు నీ పయనం చల్ ఎవడు ఆపుతాడో చూద్దాం  నీ పని నువ్వు చేసాక కాలానికి అప్పగించు ఖచ్చితంగా సమాధానాన్ని ఇస్తుంది నీ ప్రతీ ప్రశ్నకు  సమాధానం చెప్పేది  ఒక్క కాలం మాత్రమే ! Never  ever give up 💪 ~ అడుసుమల్లి రవి కుమార్

మనిషి కన్నా పక్షి నయం! చినుకు కోసం నేలపడే తపన దానికి తెలుసు ఉనికి కోసం జీవిపడే ఆరాటం తను చూడగలదు ఆఫ్రికా అడవులైనా, అలప్స్ కొండలైనా, నైలునది నీళ్ళయినా, థార్ ఎడారి ఇసుక...

నీతో నువ్వు... నాతో నేను తేల్చుకుందామా!? కాసేపు మనల్ని మనం చూసుకుందాం ఒక్కసారి ముసుగులన్నీ విప్పి 'నగ్నంగా' నిలబడదాం మనతో మనమే మాట్లాడుకుందాం మనలో మనమే తర్కించుకుంద...

నాది నాదే...నీది కూడా నాదే అనే స్వార్థ ప్రపంచంలో … నాది నీదైనప్పుడు నిజంగా నేను మనిషినవుతానని చెప్పగల త్యాగనిరతి ఎప్పటికో..!? చీకటి రేయిన నక్షత్రాలు మెరిసినట్లు పంజరం నుంచి పక్షి స్వేచ్ఛగా ఎగిరినట్లు పసి పిల్లల నిస్వార్ధపు నవ్వు కలిసినట్లు చిమ్మ చీకటిని పౌర్ణమి వెలిగినట్లు అలలు తీరం చేరే సమయానికి వాటి పరుగుల్లో వుండే నురుగులంత ,అందమైన మనస్సు తో మంచు కొండల మధ్య తపస్సు చేసే మునీంద్రుల పుణ్యమై మానవత్వం గుభాళించేది ఎనాడో..!? ఆనాడు మన మోముల్లో అమృతం లో మునిగి తేలి వెలుగుతునట్టు ఎంత తేజస్సో! ఈ విశాల విశ్వమందలి గ్రహాలన్నీ మనలో లీనమైనట్టు ఎంత దైవత్వమో! నాకు నచ్చని 'నా' ని పుచ్చుకొని నడువలేని నా జీవితానికి ఇంతకు మించిన ఆశ లేదు మరి!! ~ అడుసుమల్లి రవి కుమార్

అశాశ్వతమైన నా జీవితానికి నీ ప్రేమ శాశ్వత ధన్యత! కాలం నిర్ధాక్షిణ్యానికి ., విధి విలాసానికి మధ్య విలవిల్లాడే నా హృదయానికి నీ ప్రేమే ఔషధం! నువ్వంటే .., ఒట్టి దేహమని కాదు మనసని అసలే కాదు. కోట్ల అసంబంధీకుల మధ్య .., నాకు సొంతమైన అలౌకిక అస్థిత్వం!

మనిషి జీవితానికి ప్రయాణం కావాలి కాలమనే వాహనం కావాలి చైతన్యమనే స్పందన కావాలి మజిలీలలో అనుభవాలు దాచుకొనే మనస్సు కావాలి….. ఈ ప్రయాణం నీ ఒక్కడిది కాదు నీ ఒక్కడికోసం క...

జీవితం పరుపు బండ మీద పరుగులుపెట్టే బండి చక్రం కాదు అట్లని కంకర రాళ్ళ గతుకుల రోడ్డు మీద నడిచే నగ్న పాదాల నడకా కాదు అడుగు అడుగిక్కీ మధ్య వ్యత్యాసాలు కొన్ని హ్రస్వాల...

ఈరోజు నిన్నటి ప్రతి బింబం కాదు రేపటి రోజుకు ఇవ్వాల్టి రూపం వుండక పోవచ్చు నిన్నటి కంటే రేపు సుధీర్ఘ మయిందీ కావచ్చు గతం గురించీ పోగొట్టుకున్న దాని గురించే మాట్లాడ...

ప్రపంచం ఇంతే.నీకోసం ఏదీ మారదు,దాని సకల బలాలతో,బలహీనతలతో,సుగంధ దుర్గంధాలతో,ఆనంద విచారాలతో,కలిసి ముందుకు పోగలగడమే జీవితనైపుణ్యం.అదే సాంఘిక మనుగడ సూత్రం.నాశనమే కానీ ...

నాజ్ఞాపకం నీ మదిలో మెదిలినపుడు నీ పెదాలపై నవ్వు మెరవాలి . నేననే ఊహ నిన్ను కదిపినపుడు నీ జీవితం తేలికవ్వాలి . నా మాటొకటి నీ చెవుల్లో మెదిలినపుడు నీ భుజంపై నా చెయ్యి స...

ఆధ్యాత్మికత.....నాస్తికత చిరకాలంగా మనిషిలో జరుగుతున్న "అంతరాన్వేషణ" అవసరం మనిషికి నిజంగా ఉందా? ఆ అన్వేషణ ప్రతి జీవితం విధిగా జరపాల్సిందేనా? నాస్తికులు, హేతువాదులనబడ...

వేలు విడిచినమేనమా, వేలు విడిచిన మేనత్త.... అని చెబుతూంటారు కదా! ప్రస్తుత తరానికి అర్ధమవ్వదు ఇదేంటి వేలేంటి,విడవటమేంటి అని.ఎవరినీ అడగలేరు కూడా ఏమనుకుంటారో అని.. వారికో...

విరిగిన అల తిరిగి విశాల సముద్రమవుతుంది . చెదిరిన కల కఠోరవాస్తవాన్ని రుచి చూపిస్తుంది . పగిలిన జీవితవిత్తు కొత్త జీవమై మొలకెత్తుతుంది . దేహం గాలిని పీలుస్తున్నట్టే జీవితం అణుక్షణం అత్యవసరంగా ఆశని పీలుస్తుంది . ఎప్పుడైనా నిన్ను లోకం తృణీకరిస్తే....సంఘం నిరాదరిస్తే నీవు నిన్ను కావలించుకోగలిగితే నీవే విజేతవు...కాదు కాదు జగజ్జేతవు! ~ అడుసుమల్లి రవి కుమార్

నా బిడ్డను చూస్తుంటే... నా గుండెల మీద రెండు కలువపూల పాదాలు కదలాడుతున్నట్టుగానే వుంటుంది రెండు వెన్నపూస పెదాలు నవ్వుతున్నట్టే ఉంటుంది. రెండు తమలపాకు చేతులు నా మెడన...

డొమెస్టిక్ పర్పస్ లో లిక్విడ్స్ ని  కొలిచేందుకు టేబుల్ స్పూన్, టీ స్పూన్, గాలన్ వంటి కొలతలను ఉపయోగిస్తూ ఉంటారు కదా! వాటి గురించి పూర్తి వివరాలను ఇప్పుడు నేను మీకు తె...

సముద్రం  పోరాటానికి,  తిరుగుబాటుకు ప్రతీకగా కనిపిస్తుంది. ఉత్సుంగ కెరటాలతో వర్థిల్లే సముద్రాన్ని చూసినప్పుడల్లా గొప్ప ఉత్సాహం కలుగుతుంది. రాళ్లను వొరుసుకుంటూ ...

మనసులు ముడి పడి అడుగులు జత పడి కొంగుముడితో ఇష్టంగా కట్టబడి ఏడడుగులు నడిచి మనువాడి మది గుడిలోన బంధం బలపడిన ఘడియలు అసంపూర్ణ జీవితానికి అనుకోని అతిధిగా ఆజన్మాంతము ...

మూడుముళ్లు ఏడు అడుగులతో ఒక్కటైన మన అనురాగ బంధం ఇద్దరమూ కలిపి అల్లుకున్న అందమైన జీవితం!! మన బంధం.. బతుకంతా చదవాల్సిన మంచి పుస్తకం జంటపఠనంలోనే బోధపడేను అర్ధం! మన బంధం.. ...

భోరున వర్షం రాత్రి కలలో పొద్దున్నే చూస్తే చెక్కి ళ్ళ పై అక్కడక్కడా ఆరిన తడి

పుస్తకం మానవ జీవన దర్పణి. ఆలోచనల సుడిగుండాన్ని రేపే వాహిని. నవ జీవన వికాసిని. మార్గాన్ని చూపే సూచిని. మానవ భవిష్యత్‌కు దిశానిర్దేషిని. మహామహూల ప్రతిబింబ దర్శిని. శక్...