భావలహరి

మగాడంటే వెలుగుకి కొవ్వొత్తై కరిగిన నాన్న మగాడంటే భుజంపై ధైర్యమిచ్చిన అన్నయ్య మగాడంటే తుంచి ఇచ్చిన హృదయానికి కడదాక ఊపిరిచ్చిన ప్రియుడూ/భర్త మగాడంటే అవసరానికి తొలి పలకరింపుగా  నిలబడే మిత్రుడు మగాడంటే మనిషితనపు పూర్ణత్వానికి స్త్రీతో కలిసి చెరిసగం!

  మానవత్వాన్ని అడుగంటనీయకు రాయిని గుండె చోటులో నిలిపి, కాలాన్ని కేవలం ప్రయోజనం తో కొలవకు స్పందించే గుణాన్ని మెరుగుపెట్టు కరుణనూ, సౌభ్రాతృత్వాన్ని తట్టిలేపు ప్రేమే అంతటా, అన్నిటా నిండి ఉందని నిరూపించేయ్ అసాధ్యాలూ సుసాధ్యాలూ మనకే చెల్లునోయ్. ~ అడుసుమల్లి రవి కుమార్

  పుడుతూ తల్లికి, పోతూ నలుగురికి శ్రమ ఎలాగూ ఇస్తావు , బ్రతికినంత సేపైనా చుట్టూ నా అనుకునే వాళ్ళు చెప్తున్న బాధా - చెప్పుకోలేని వ్యధా , కాస్త పట్టించుకుంటే, పోయినపుడు చుట్టూ కూచునే మనుషులకి ఏడుపు నటించే శ్రమ తప్పిస్తావు . ఏం సాధించావో ? ఏం సంపాదించావో తరవాత ., ముందు నీ మొత్తం జీవితానికి ముగింపులో పక్కమనిషి కళ్ళలో రెండు చుక్కల కన్నీళ్ళని దాచిపెట్టావా ?