పంచభూతాలు-పంచవేదనలు

పంచ విషాదాలు..
*************

ధరణి బాధపడుతోంది
అమాయకుల రక్తం
అరాచక శక్తుల చేతుల్లో చింది
తనపై ఒలుకుతున్నందుకు...!!

ఆకాశం విలపిస్తోంది
కట్నం చితి పొగలు
తనను ఉక్కిరిబిక్కిరి
చేస్తున్నందుకు.. !!

అగ్ని బాధపడుతోంది
కుల రక్కసి బలవంతంగా
బడుగు గుడిసెల్ని భస్మీపటలం
చేస్తున్నందుకు.. !!

వాయువు విలవిలలాడుతోంది
సహజసిద్దమైన తనను
వికృతం చేసుకొని
రోగాల బారిన పడుతున్నందుకు.. !!

నదుల్లో నీరు బాధపడుతోంది
కలతలకు కలవరపడి
వెతలకు కృంగి, కొన్ని జీవితాలు
అర్ధరహితంగా ముగుస్తున్నందుకు.. !!