ప్రయాణం

ఆలోచిస్తే జీవితం ఓ ప్రయాణం.!

ఇదీ గమ్యం అని ఒకటంటూ ఏదీ ఉండదు.
అక్కడక్కడా  మజిలీలు ఉంటాయి అంతే. ఈ  దారి  పొడవునా ఆస్వాదించాల్సింది జీవితమనే  ప్రయాణాన్నే.

మనం వెతుక్కోవాలే కానీ ప్రతీ మలుపులోనూ ఓ అబ్బురం దాగుంటుంది.
ఒక్కొ దారిలో ఎన్నో పరిచయాలు,అన్నీ అనుభవాలే.
కొన్ని కలలు,మరికొన్ని కలతలు.
కొన్ని  బంధాలు, మరికొన్ని బాధలు

అందరూ సాటి బాటసారులే, కాసేపే కలిసి ప్రయాణించేది.

ఈ ప్రయాణంలో ఒక్కోసారి, ముందెప్పుడూ చూడని కొత్త లోకంలోకి వెళ్తాము.
మరోసారి, మనకు తెలిసిన లోకమే కొత్తగా  కనిపిస్తూ ఉంటుంది.

పోతపోసిన విగ్రహాలమై కాక,ఒక్కో రూపం సంతరించుకుంటూ అపురూపమవ్వాలి మనం.

ఏదైనా ఆస్వాదించాలంటే మనలో ఒక స్వచ్ఛత ఉండాలి.

ఈ ప్రయాణంలో హఠాత్తుగా వచ్చే వాన ఆనందం కావచ్చు..ఆందోళనా కావచ్చు.!

ప్రయాణం, ప్రకృతి నేర్పినన్ని పాఠాలు మరెవరూ నేర్పరు. జీవితం పండగ ఆర్బాటం కానేకాదు.!

-అడుసుమల్లి రవి కుమార్