పాములు

 

తస్మాత్ జాగ్రత్త!

పలికే పాములు ఇవి...

నరంలేని ఈ నాగుపాములు కనిపించని మనసునే కాటేయగలవు

లాలాజలాన్ని స్రవించే ఈ రక్తపింజరలు

ఎదుటి మనిషి సృజనను చంపేయగల విషాన్ని చిమ్మగలవు

గుండె ధైర్యాన్ని చిదిమేసే ఈ కొండచిలువలు

కదిలే కొండలైన దవడ గుహల్లో పొంచి ఉండి

ఎదుటివారి హృదయాలను చుట్టి పడేస్తాయి...

అయితే నరుడి నోట్లో నాట్యమాడే పాములన్నీ చెడ్డవే కాదు, ఇందులోనే ఆదిశేషులు, వాసుకిలు కూడా ఉన్నాయి!